18வது ஜி20 தலைவர்கள் உச்சி மாநாட்டில் கலந்து கொள்வதற்காகச் சென்ற சவூதி அரேபிய பட்டத்து இளவரசரும் பிரதமருமான முகமது பின் சல்மானுக்கு டெல்லியில் உள்ள ராஷ்டிரபதி பவனில் (ஜனாதிபதி மாளிகை) சிறப்பான வரவேற்பு அளிக்கப்பட்டது. இந்திய பிரதமர் நரேந்திர மோடி மற்றும் ஜனாதிபதி திரௌபதி முர்மு ஆகியோர் சவூதி இளவரசருக்குத் திங்கள்கிழமை ராஷ்டிரபதி பவனில் உற்சாக வரவேற்பு அளித்தனர்.
அதைத் தொடர்ந்து ஒருங்கிணைந்த பாதுகாப்புப் படையில் இளவரசர் ஆய்வு மேற்கொண்டார். தனது அறிக்கையில், இளவரசர் முகமது பின் சல்மான், வெற்றிகரமான ஜி20 தலைமை பதவிக்கு இந்தியாவிற்கு வாழ்த்து தெரிவித்தார். “ஜி 20 நாடுகள் மற்றும் முழு உலகிற்கும் பலனளிக்கும் வகையில் பல அறிவிப்புகள் வெளியிடப்பட்டுள்ளன. இரு நாடுகளுக்கும் சிறந்த எதிர்காலத்தை உருவாக்க நாங்கள் கடுமையாக உழைப்போம்” என்றும் இளவரசர் கூறினார்.
ஜி20 உச்சி மாநாட்டிற்குப் பிறகு சவூதி இளவரசர் தனது அரசுப் பயணமாகப் புதுதில்லியில் தங்கினார். வரவேற்பு முடிந்ததும், ஐதராபாத் இல்லத்தில் மோடியுடன் இளவரசர் இருதரப்பு பேச்சுவார்த்தை நடத்தினார். பிற்பகலில், இந்தியா-சவூதி அடிப்படை கூட்டாண்மை கவுன்சிலின் தொடக்க கூட்டத்திற்கு சவூதி பட்டத்து இளவரசரும் மற்றும் இந்திய பிரதமரும் தலைமை தாங்கினர் என்பது குறிப்பிடத்தக்கது.
