இரண்டு புனித மசூதிகளின் பாதுகாவலர் மன்னர் சல்மான் அவர்களின் ஆதரவின் கீழ், சவுதி அரேபியா திங்கள்கிழமை ஜித்தாவில் “இஸ்லாத்தில் பெண்கள் நிலை மற்றும் அதிகாரமளித்தல்” பற்றிய சர்வதேச மாநாட்டை நடத்துகிறது.
இஸ்லாமிய ஒத்துழைப்பு அமைப்பு (OIC) ஏற்பாடு செய்த மூன்று நாள் மாநாடு, முஸ்லிம் பெண்களின் வெற்றிகளை வெளிச்சம் போட்டுக் காட்டுவதை நோக்கமாகக் கொண்டுள்ளது.
சமுதாய மற்றும் நாட்டின் வளர்ச்சியில் அவர்களின் பங்கு மற்றும் பங்களிப்பை முன்னிலைப்படுத்தவும், பெண்கள் தங்கள் உரிமைகளைப் பெறுவதற்கு இஸ்லாமிய மார்க்கத்தை தடையாகச் சித்தரிக்கும் எதிர்மறையான பிரச்சாரத்தைத் தெளிவுப்படுத்தவும் இந்த மாநாடு நோக்கமாகக் கொண்டு உள்ளது.
இம்மாநாடு சட்ட மற்றும் அரசியல் சீர்திருத்தங்கள், நீதியை மேம்படுத்துதல் மற்றும் முஸ்லிம் சமூகங்களில் பெண்களுக்கு அதிகாரம் அளிப்பது மற்றும் ஒரு முறையான திட்டத்தைக் கடைபிடிக்க விரிவான திட்டத்தைக் கொண்டு வரும் என்று எதிர்பார்க்கப்படுகிறது.
மாநாட்டின் போது அமைச்சர்கள், அதிகாரிகள், அறிஞர்கள் மற்றும் சிந்தனையாளர்கள் இஸ்லாத்தில் பெண்களின் நிலை மற்றும் அவர்களின் உரிமைகள், கல்வி மற்றும் வேலையில் முஸ்லிம் பெண்களை மேம்படுத்துவதற்கான வழிகளை ஆராய்வது மற்றும் சமகால சமூகங்களில் பெண்கள் தொடர்பான பிரச்சினைகள் பற்றி விவாதிப்பது போன்ற ஐந்து அமர்வுகள் நடைபெறும்.
இந்த மாநாட்டை நடத்துவது, முஸ்லிம் பெண்களின் உரிமைகளை நிலைநாட்டுவதற்கும், OIC உறுப்பு நாடுகளில் வளர்ச்சியில் அவர்களின் பங்கை அதிகரிப்பதற்கும் அமைச்சகத்தின் முயற்சியின் ஒரு பகுதியாகும் என்பது குறிப்பிடத்தக்கது.
