நகராட்சி மற்றும் கிராமப்புற விவகாரங்கள் மற்றும் வீட்டுவசதி அமைச்சர் மஜித் அல்-ஹோகெயில் திங்கள்கிழமை ரியாத்தில் சில்லறை தலைவர்கள் வட்டத்தின் (RLC) MENA உச்சிமாநாட்டின் 10 வது பதிப்பைத் திறந்து வைத்தார். சவூதி அரேபியாவின் சில்லறை விற்பனைத் துறையானது எண்ணெய் அல்லாத மொத்த உள்நாட்டு உற்பத்தியில் 23% பங்களிப்பதாகவுன், இது 2024 ஆம் ஆண்டின் இறுதியில் 460 பில்லியன் ரியால்களாக உயரும் என்று எதிர்பார்க்கப்படுவதாகக் கூறினார்.
‘அச்சமற்ற கண்டுபிடிப்பு: அடுத்த எல்லைகளைப் பட்டியலிடுதல்’ என்ற தலைப்பில் நடைபெற்ற மாநாடு இன்று நிறைவடைகிறது. அடுத்த ஆண்டு RLC MENA உச்சி மாநாடு அரசாங்க மன்றமாக மாறும், ரியாத் ஹோஸ்ட் நகரமாக இருக்கும் எனச் சில்லறை விற்பனை தலைவர்கள் வட்டத்தின் தலைவர் Panos Lenardos கூறினார்.
சில்லறை விற்பனைத் துறையின் வளர்ச்சியானது, உள்கட்டமைப்பு மற்றும் நவீன நகர்ப்புற திட்டமிடல் ஆகியவற்றுக்கு இடையே ஒருங்கிணைப்பை அடைவதற்கான விருப்பத்தையும், நகரங்கள், குடியிருப்பாளர்கள் மற்றும் பார்வையாளர்களின் வாழ்க்கைத் தரத்தை மேம்படுத்துவதையும் பிரதிபலிக்கிறது.
இந்த மாநாட்டில் சில்லறை விற்பனை, ரியல் எஸ்டேட், சுற்றுலா மற்றும் தொழில்நுட்பம் போன்ற பல்வேறு துறைகளைச் சேர்ந்த 40க்கும் மேற்பட்ட நாடுகளைச் சேர்ந்த தலைமை நிர்வாக அதிகாரிகள், கண்டுபிடிப்பாளர்கள் மற்றும் முதலீட்டாளர்கள் பங்கேற்றனர்.
