சவூதி விமானப் போக்குவரத்து 2030 ஆம் ஆண்டிற்குள் ஆண்டுதோறும் 330 மில்லியன் பயணிகளை எதிர்பார்க்கிறது என்றும் அவர்களில் 10 சதவீதம் பேர் மட்டுமே போக்குவரத்துப் பயணிகளாக இருக்க வேண்டும் என்று இலக்கு வைத்துள்ளதாகவும், பொது விமானப் போக்குவரத்து ஆணையத்தின் (GACA) தலைவர் அப்துல் அசிஸ் அல்-டுவைலெஜ் அறிவித்தார்.
ஜனவரி 18 முதல் 21 வரை இந்திய சிவில் விமான போக்குவரத்து அமைச்சகம் மற்றும் இந்திய வர்த்தக மற்றும் தொழில்துறை கூட்டமைப்பு (FICCI) ஏற்பாடு செய்திருந்த கண்காட்சி மற்றும் மாநாடு, விங்ஸ் இந்தியா 2024 அமைச்சர் அமர்வில் அல்-டுவைலேஜ் இந்த அறிவிப்பை வெளியிட்டார்.
சவூதி அரேபியாவின் பொருளாதார வளர்ச்சி 100 பில்லியன் டாலர் முதலீடுகளை ஈர்த்து, இணையற்ற பயண அனுபவத்தை உருவாக்குவதை இலக்காகக் கொண்டு, அதன் விமானப் போக்குவரத்துத் துறையின் எதிர்காலத்தை மறுவரையறை செய்கிறது என அல்-டுவைலேஜ் வலியுறுத்தினார்.
விமான நிலையங்கள், விமான நிறுவனங்கள், விமானங்கள், கப்பல் போக்குவரத்து மற்றும் தளவாட சேவைகள் உள்ளிட்ட வசதிகளை மேம்படுத்துவதற்கும் சவூதி விமானப் போக்குவரத்து உத்தியில் விரிவான திட்டம் உள்ளது.
29 விமான நிலையங்கள் மூலம் உலகளவில் 250க்கும் மேற்பட்ட இடங்களுக்குச் சவூதியின் விமான இணைப்பை விரிவுபடுத்துவதையும்,2030 ஆம் ஆண்டளவில் விமான சரக்குத் திறனை 0.8 மில்லியன் டன்களிலிருந்து 4.5 மில்லியன் டன்களாக அதிகரிப்பதையும் இது நோக்கமாகக் கொண்டுள்ளது.
அமர்வின் முடிவில் ரியாத்தில் மே 20 முதல் 22, 2024 வரை திட்டமிடப்பட்ட விங்ஸ் இந்தியா 2024 இன் எதிர்கால விமானப் போக்குவரத்து மாநாட்டிற்கு அல்-டுவைலெஜ் பங்கேற்பாளர்களுக்கு அழைப்பு விடுத்தது குறிப்பிடத்தக்கது.
