சவூதி அரேபிய பாஸ்போர்ட் பொது இயக்குநரகம் (ஜவாசத்) வாட்ஸ்அப் செயலி மூலம் பயனர்களுக்குச் சேவை செய்ய அதிகாரப்பூர்வ கணக்கு எதுவும் இல்லை என்று மறுத்துள்ளது. சமூக வலைதளங்கள் மூலம் சேவைகளை வழங்குவதாகக் கூறும் அதிகாரப்பூர்வமற்ற கணக்குகளைக் கையாள்வதற்கு எதிராக இயக்குனரகம் பொதுமக்களை எச்சரித்துள்ளது.
ஜவாசத்தின் அதிகாரப்பூர்வ தளங்களில் இருந்து தகவல் மற்றும் செய்திகளைப் பெறுவதன் முக்கியத்துவத்தை இயக்குநரகம் வலியுறுத்தியது. பயனர்களுக்குச் சேவை செய்யவும், அவர்களுடன் தொடர்பு கொள்ளவும், அவர்களின் விசாரணைகளுக்குப் பதிலளிக்கவும் பல சேனல்கள் செயல்படுகின்றன என்பது குறிப்பிடத்தக்கது.
