முஸ்லீம் பெண்கள் தங்கள் உரிமைகளை, குறிப்பாக ஹிஜாப் அணிவதில் தடைசெய்யப்பட்ட சட்டங்களால் பல சவால்கள், துன்புறுத்தல்கள் மற்றும் பாகுபாடுகளைச் சில நாடுகளில் எதிர்கொள்வதை சவூதி வெளியுறவு அமைச்சர் இளவரசர் பைசல் பின் ஃபர்ஹான் எடுத்துரைத்தார்.
இது 1979 இல் ஐக்கிய நாடுகளின் பொதுச் சபை (UNGA) ஏற்றுக்கொண்டதற்கு முரணானது. “இஸ்லாத்தில் பெண்கள் நிலை மற்றும் அதிகாரமளித்தல்” என்ற தலைப்பில் ஒரு சர்வதேச மாநாடு சவூதி அரேபியாவில் உள்ள ஜித்தாவில் இஸ்லாமிய ஒத்துழைப்பு அமைப்பால் ஏற்பாடு செய்யப்பட்டது.
காசாவில் பாலஸ்தீனப் பெண்கள் மீதான இஸ்ரேலின் அத்துமீறலைக் கடுமையாகக் கண்டித்த அமைச்சர், சர்வதேச சமூகம் தனது கடமைகள் மற்றும் பொறுப்புகளை நிறைவேற்றுவதில் மௌனம் மற்றும் தயக்கம் குறித்து கவலை தெரிவித்தார்.
2016 ஆம் ஆண்டு முதல், தொழிலாளர் தொகுப்பில் பெண்களின் பங்கேற்பு 19.3% இலிருந்து 37% ஆகவும், சிறு மற்றும் நடுத்தர நிறுவனங்களின் உரிமை 45% ஆகவும், தலைமைத்துவத்தில் அவர்களின் பிரதிநிதித்துவம் 17% இருந்து 39% அதிகரித்துள்ளது.
இஸ்லாத்தில் பெண்களின் உரிமைகளை விரிவாக உள்ளடக்கிய “இஸ்லாத்தில் பெண்கள் பற்றிய ஆவணம்” என்ற தலைப்பில் மாநாட்டின் அதிகாரப்பூர்வ ஆவணத்தை வெளியுறவு அமைச்சர் அறிவித்தார்.
