வருகின்ற பிப்ரவரி மாதம் 17 ஆம் தேதி சனிக்கிழமை மாலை நடக்க இருக்கின்ற Winter Tamil Fest எனும் கனவு மெய்ப்பட தலைப்பில் காமெடி கலாட்டா நிகழ்ச்சி நடைபெற இருக்கின்றது.
இதில் விஜய் டி.வி புகழ் அசார், டி.எஸ்.கே மற்றும் சுட்டி அரவிந்த் தாயகத்தில் இருந்து வந்து கலந்து கொள்ள இருக்கின்றனர்.
இந்த நகைச்சுவை அரங்கத்தில் பட்டிமன்றம், தனித்திறன் போட்டிகள், பரிசளிப்பு, விருதுகள் மற்றும் கலாச்சார நிகழ்வுகளுடன் நகைச்சுவை நிகழ்ச்சிகள் நடக்க இருக்கின்றன.
இதன் ஒரு பகுதியாகக் கடந்த வெள்ளிக் கிழமை தமிழில் பேச்சுப் போட்டி நடந்தது. வருகின்ற வியாழக் கிழமை ஓவியப் போட்டி நடைபெற உள்ளது.
இதில் வெற்றி பெறுகின்றவர்களுக்கும், கலந்து கொள்ளும் அனைவருக்கும் சான்றிதழ்கள், மெடல்களுடன் பரிசு பெறும் அனைவருக்கும் பரிசுகள், விருதுகளைப் பிப்ரவரி மாதம் 17 அன்று நடக்கும் காமெடி கலாட்டா நிகழ்ச்சியில் வழங்க உள்ளனர்.
சிறந்த ஓவியக்கலை வல்லுனர்களைக் கொண்டு மதிப்பெண்கள் வழங்கித் தேர்வு செய்கின்றனர்.
இதற்கான முன்பதிவினை நிர்வாகிகள் வருகின்ற முப்பத்தொன்றாம் தேதி நிறுத்தப்போவதாக அறிவித்து… அதிகப்படியான பதிவுகளைப் பெற்றுவிட்ட்டதாலும், நிகழ்வு அரங்கத்தின் இடத்திற்கு ஏற்றவாறு திட்டமிட பதிவுகளை முன்கூட்டியே நிறுத்திவிட்டதாகவும் நிகழ்ச்சி ஏற்பாட்டாளர்கள் தெரிவித்தனர்.
மேலும் அடுத்த வியாழக் கிழமை மாலை Dessert of the Dessert எனும் குக்கிங் போட்டி பெண்களுக்காக மட்டும் நடத்தப்பட உள்ளது.
பல பெற்றோர்களின் வேண்டுகோளுக்கு இணங்க ஆங்கிலத்தில் பேச்சுப் போட்டியும், பாடல் திறமைகளைக் கொண்டு வரப் பாட்டுப் போட்டியும் நடத்தி முடிக்கத் திட்டமிட்டு வருவதாக இணை ஒருங்கிணைப்பாளர்கள் அஜிதா சலீம் மற்றும் பூஜா நரேஷ் தெரிவித்துள்ளனர்.
நிகழ்ச்சிகள் அனைத்தையும் தஞ்சையைச் சேர்ந்த லயன் ஜாஹிர் ஹூஷைன் அவர்கள் ஒருங்கிணைத்து மேற்பார்வை இடுகின்றார்.
