கடந்த வியாழன் அன்று சவூதி ஒட்டக பால் தொழிலின் வளர்ச்சிக்குப் பங்களிப்பதற்கு சவானி நிறுவனத்தை நிறுவுவதாகப் பொது முதலீட்டு நிதியம் (பிஐஎஃப்) அறிவித்துள்ளது. உள்ளூர் உற்பத்தி முறையை மேம்படுத்துவதற்கும் சவானி நிறுவனம் பங்களிக்கும்.
சவூதி விஷன் 2030க்கு ஏற்ப விவசாயம் மற்றும் உணவுத் துறையை ஆதரிக்கவும், உள்ளூர் பொருளாதாரத்தை பல்வகைப்படுத்தவும் பங்களிக்கும் வகையில், ஒட்டக பால் பொருட்களில் தலைமைப் பாத்திரத்தை நிறுவனம் நோக்கமாகக் கொண்டுள்ளது. தனியார் துறையின் ஒத்துழைப்புடன், ஒட்டக பால் பொருட்களின் உற்பத்தி திறனை உயர்த்த, SAWANI வேலை செய்யும்.நவீன செயல்பாட்டு நடைமுறைகளைப் பின்பற்றி, விவசாயம் , உணவுத் துறையில் அறிவு மற்றும் தொழில்நுட்பங்களை உள்ளூர்மயமாக்குவதன் மூலம் உள்ளூர் உற்பத்தியின் தரத்தை உயர்த்த முயற்சிக்கும்.
ஒட்டகப் பால் உற்பத்தியின் ஆரோக்கிய நன்மைகள்குறித்த விழிப்புணர்வை சவூதி அரேபியாவில் உள்ள நுகர்வோர் மத்தியில் ஏற்படுத்தி, நாட்டின் கலாச்சார பாரம்பரியத்தில் ஒட்டகத்தின் நிலையை மேம்படுத்தி, உற்பத்தி, விநியோகம் மற்றும் சந்தைப்படுத்தல் ஆகிய அனைத்து நிலைகளிலும் நிலைத்தன்மையை நிறுவனம் கணக்கில் எடுத்துக்கொள்ளும். ஒட்டகப் பாலில் வைட்டமின்கள் ஏ, பி, சி மற்றும் ஈ போன்ற தாதுக்களும், அதிக அளவு கால்சியம், புரதம் மற்றும் ஆக்ஸிஜனேற்றங்கள் உள்ளது.
ஒட்டக பால் பொருட்கள் துறையில் அதன் செயல்பாடுகளை விரிவுபடுத்துவதற்கான திறன் சவூதி அரேபியாவுக்கு உள்ளதாக MENA முதலீட்டுப் பிரிவின் PIF இன் நுகர்வோர் பொருட்கள் மற்றும் சில்லறை விற்பனைத் தலைவர் Majed Al-Assaf தெரிவித்துள்ளார். ஒருங்கிணைந்த ஊட்டச்சத்துக்களின் வளமான ஆதாரமான ஒட்டகப் பால் உற்பத்தித் திறனை அதிகரிப்பதற்கும், உலக சந்தைகளுக்கு ஏற்றுமதி செய்வதற்கும் இது பங்களிக்கும்.
PIF ஆல் SAWANI ஐ நிறுவுவது விவசாயம் மற்றும் உணவுத் துறையின் வளர்ச்சியை மேம்படுத்தும், 2030 க்குள் நிலையான பொருளாதார மற்றும் சமூக வளர்ச்சியை அடையவும் பங்களிக்கும். SAWANI ஆனது, உயர்தர தயாரிப்புகளை உள்நாட்டில் உற்பத்தி செய்து சிறந்த அறிவியல் நடைமுறைகளை மேம்படுத்தி நிலைநிறுத்த முயற்சிக்கிறது. மொத்த உள்நாட்டு உற்பத்தியின் (GDP) வளர்ச்சிக்கும், தேசிய தயாரிப்புகள் மற்றும் தொழில்களுக்கு ஆதரவளிக்கும், விவசாய மற்றும் உணவுத் துறையில் பல முதலீட்டு முயற்சிகளை PIF கொண்டுள்ளது.
சவூதி கவ்லானி காபியை ஊக்குவிக்கும் நோக்கத்தில் சவூதி காபி நிறுவனமும், சவூதி அரேபியாவில் ஹலால் பொருட்கள் தொழில் துறையில் முதலீடு செய்ய ஹலால் தயாரிப்புகள் மேம்பாட்டு நிறுவனமும் தொடங்கப்பட்டுள்ளது. 2017 முதல், பொது முதலீட்டு நிதியம் 13 துறைகளில் மொத்தம் 84 நிறுவனங்களை நிறுவியுள்ளது.
