ஹஜ் நாட்களில் மழையுடன் மக்கா மற்றும் புனிதத் தலங்கள் அதிக வெப்பநிலையைக் காணும் எனத் தேசிய வானிலை ஆய்வு மையம் (NCM) தெரிவித்துள்ளது.
துல்-ஹிஜ்ஜாவின் போது மக்காவின் காலநிலை பகலில் வெப்பமாகவும் இரவில் மிதமாகவும் இருக்கும், சராசரியாக அதிகபட்ச வெப்பநிலை 43.6 டிகிரி செல்சியஸ், குறைந்தபட்ச வெப்பநிலை 29.6 டிகிரி செல்சியஸ் மற்றும் சராசரி மழைப்பொழிவு 0.1mm, சராசரி ஈரப்பதம் 32% இருக்கும் என எதிர்பார்க்கப்படுகிறது. காற்றின் வேகம் வடக்கு-வடமேற்கு திசையில் மணிக்கு 4-10 கி.மீ.க்கு இடையில் இருக்கும்.
மேற்பரப்பு வெப்பநிலை மாதத்தின் முதல் பாதியில் ஒரு டிகிரி மற்றும் மாதத்தின் மீதமுள்ள நாட்களில் ஒன்றரை டிகிரி அதிகரிக்கும்.
மதீனாவின் காலநிலை பகலில் வெப்பமாகவும் வறண்டதாகவும் கருதப்படுகிறது, இரவில் மிதமானதாக இருக்கும் என NCM கூறியுள்ளது, அதிகபட்ச வெப்பநிலை 43 டிகிரி செல்சியஸ், குறைந்தபட்ச வெப்பநிலை 29.3 டிகிரி செல்சியஸ் எனப் பதிவு செய்யப்பட்டுள்ளது. சராசரி மழைப்பொழிவு 0.7 மிமீ மற்றும் சராசரி ஈரப்பதம் 12 சதவீதம். காற்றின் வேகமானது மேற்கிலிருந்து வடமேற்கு திசையில் மணிக்கு 12 கி.மீ.
ஜூன் 30, 2014 அன்று மக்காவில் பதிவான அதிகபட்ச வெப்பநிலை 51 ° C ஆகவும், ஜூன் 27, 2014 அன்று குறைந்தபட்ச வெப்பநிலை 21.5 ° C ஆகவும், அதிகபட்ச தினசரி மழை அளவு. ஜூலை 17, 2010 அன்று 1.6 மி.மீ., மற்றும் அதிகபட்ச காற்றின் வேகம் ஜூன் 21, 2019 அன்று கிழக்கு திசையில் 48 கி.மீ. பதிவாகியுள்ளதாக NCM தனது அறிக்கையில் தெரிவித்துள்ளது.
ஜூலை 13, 2010 அன்று அதிகபட்ச வெப்பநிலை 48.4 °C ஆகவும், ஜூலை 15, 2010 அன்று குறைந்தபட்ச வெப்பநிலை 22.5 °C ஆகவும், ஜூலை 15 அன்று அதிகபட்ச தினசரி மழை அளவு 19.7 மிமீ ஆக மதீனாவில் பதிவாகியுள்ளது.
