சவூதி அரேபியா ரயில்வே (SAR) புகழ்பெற்ற பிரெஞ்சு நிறுவனமான Alstom உடன் ஒப்பந்தத்தில் கையெழுத்திட்ட பிறகு, வரலாற்று மைல்கல்லைக் குறிக்கும் வகையில் ஹைட்ரஜன் ரயில் சோதனை முயற்சியை அதிகாரப்பூர்வமாகச் சவூதியில் தொடங்கியுள்ளது.
இந்த அதிநவீன ரயில்களைச் சவூதியின் தனித்துவமான சூழலுக்கு ஏற்ப மாற்றுவதற்கான செயல்பாட்டு சோதனைகள் மற்றும் அத்தியாவசிய ஆய்வுகள் இந்த அக்டோபரில் தொடங்கப்பட்டுள்ளதாகச் சவூதி ரெயில்வே அறிக்கை வெளியிட்டுள்ளது.
இந்த ஹைட்ரஜன் ரயில்கள் நிலையான போக்குவரத்தில் ஒரு முன்முயற்சியாக இருப்பதால் மத்திய கிழக்கு மற்றும் வட ஆப்பிரிக்கா பகுதிக்கு இந்தச் சோதனைகள் ஒரு அற்புதமான தருணமாக இருக்கும் எனச் சவூதி ரெயில்வே சுட்டிக்காட்டியது.
இந்த நடவடிக்கை தேசிய போக்குவரத்து மற்றும் தளவாட உத்தியில் சுட்டிக் காட்டப்பட்டுள்ள நோக்கங்களுக்குள் ஒருங்கிணைகப்பட்டுள்ளதாகவும், சமீபத்திய ஸ்மார்ட் தொழில்நுட்பங்களைப் பயன்படுத்தி, மிகவும் நிலையான போக்குவரத்து அமைப்பை நோக்கி மாறுவதற்கான திட்டங்களுடன் இது ஒத்துப்போகிறது என்றும் SAR இன் இயக்குநர்கள் குழுவின் தலைவரும், போக்குவரத்து மற்றும் தளவாடத்துறை அமைச்சருமான இன்ஜி. Saleh Al-Jasser வலியுறுத்தினார்.
SAR இன் தலைமை நிர்வாக அதிகாரி டாக்டர். பஷார் அல்-மாலிக், நிலையான போக்குவரத்தில் ஒரு முக்கிய கண்டுபிடிப்பாக ஹைட்ரஜன் ரயில்களின் முக்கியத்துவத்தையும், சுற்றுச்சூழல், பொருளாதாரம் மற்றும் எதிர்கால சந்ததியினரின் நல்வாழ்வு ஆகியவற்றில் அவர்களின் நேர்மறையான தாக்கத்தையும் எடுத்துரைத்தார்.
இந்தப் புரட்சிகர ரயில் வகையின் சான்றளிக்கப்பட்ட சோதனைகள் ஜெர்மனியில் 2018 இல் தொடங்கி 2020 இல் முடிவடைந்தது குறிப்பிடத்தக்கது.
