சவூதி அரேபியா மற்றும் இஸ்லாமிய உச்சிமாநாட்டின் தலைவரின் அழைப்பின் பேரில், அடுத்த வாரம் ஸ்வீடனில் புனித குர்ஆன் எரிப்பு பற்றி விவாதிக்க, இஸ்லாமிய ஒத்துழைப்பு அமைப்பு (OIC) நிர்வாகக் குழுவின் அவசர கூட்டத்தைக் கூட்டவுள்ளது.
ஈத் அல்-அதாவின் முதல் நாளன்று ஸ்வீடனில் புனித குர்ஆன் நகல் எரிக்கப்பட்டதால் ஏற்படும் விளைவுகள்குறித்து, ஜெட்டாவில் உள்ள அதன் தலைமையகத்தில் அடுத்த வாரம் நடைபெறவுள்ள இக்கூட்டத்தில் விவாதிக்கப்படும். இக்கொடூரச் செயலுக்கு எதிராக எடுக்கப்பட வேண்டிய நடவடிக்கைகள் குறித்தும், தேவையான நடவடிக்கை குறித்தும் விவாதிக்க திட்டமிடப்பட்டுள்ளது. ஸ்வீடனில் உள்ள ஸ்டாக்ஹோம் மத்திய மசூதியில், புதன்கிழமை ஈத் அல்-அதா தொழுகையைத் தொடர்ந்து, தீவிரவாதி ஒருவரால் புனித குர்ஆனின் நகலை எரித்ததை OIC கண்டித்திருந்தது.
புனித குர்ஆன், பிற இஸ்லாமிய விழுமியங்கள், சின்னங்கள், புனிதங்களின் புனிதத்தன்மையை மீறும் இந்த வெறுக்கத் தக்க தாக்குதல்கள் மற்றும் முயற்சிகள் மீண்டும் நடைபெறுவதை தலைமைச் செயலகம் கண்டித்துள்ளது.
முஸ்லிம் உலக லீக் (MWL), ஸ்வீடனின் ஸ்டாக்ஹோமில் புனித குர்ஆன் பிரதியை எரித்த குற்றத்தை வன்மையாகக் கண்டித்துள்ளது. இந்த அபத்தமான, கொடூரமான குற்றத்தை WML இன் பொதுச் செயலாளரும், முஸ்லிம் அறிஞர்களின் அமைப்பின் தலைவருமான ஷேக் டாக்டர் முகமது பின் அப்துல்கரீம் அல்-இசா கண்டித்துள்ளார்.
வெறுப்புணர்வை வளர்க்கும், மத உணர்வுகளைத் தூண்டி, தீவிரவாதத்தின் நிகழ்ச்சி நிரலுக்கு மட்டுமே சேவை செய்யும் இந்த நடைமுறைகளின் ஆபத்துக்களுக்கு எதிராக டாக்டர் அல்-இசா எச்சரித்துள்ளார். கிங் அப்துல்லா பின் அப்துல்லாஜிஸ் சர்வதேச மதம் மற்றும் கலாச்சார உரையாடல் மையம் (KAICIID) ரியாத்தில், ஸ்வீடன் தலைநகர் ஸ்டாக்ஹோமில் ஒரு தீவிரவாதி புனித குரான் பிரதியை எரித்ததற்கு கடும் கண்டனம் தெரிவித்துள்ளது.
மற்றவர்களின் நம்பிக்கைகள் மற்றும் புனிதங்களுக்கு மதிப்பளிப்பது முன்னுரிமை என்று அது மீண்டும் வலியுறுத்தியது, குறிப்பாக மனித உரிமைகள் தொடர்பானது ஐ.நா. மாநாடுகளால் அங்கீகரிக்கப்பட்டது மற்றும் சர்வதேச சட்டங்களால் அங்கீகரிக்கப்பட்டது என KAICIID ஒரு அறிக்கையில் தெரிவித்துள்ளது.
