புகைப்பிடிப்பவர்களின் எண்ணிக்கையைக் குறைப்பதற்காக ,பொது முதலீட்டு நிதியமான PIF புதிய நிறுவனத்தைச் சவூதியில் தொடங்கியுள்ளது.
சவூதி முழுவதும் புகையிலை இல்லாத நிகோடின் டெலிவரி தயாரிப்புகளை, படேல் நிறுவனம் 2023 ஆம் ஆண்டு இறுதிக்குள் வழங்கும். 2032 ஆம் ஆண்டில் ஒரு மில்லியன் மக்கள் புகைபிடிப்பதிலிருந்து மாற நிறுவனத்தின் தயாரிப்புகள் உதவும் என்று எதிர்பார்க்கப்படுகிறது.
இது 6 பில்லியன் ரியால்களுக்கும் மேல் வருடாந்திர சேமிப்பை வழங்குவதற்கான ஆற்றலைக் கொண்டுள்ளது.
மே 31 அன்று உலக புகையிலை எதிர்ப்புத் தினத்தை முன்னிட்டு, PIF , படேல் நிறுவனத்தை நிறுவுகிறது, இது புகைபிடிக்கும் பரவலைக் குறைக்க புதுமையான தயாரிப்புகளை உருவாக்கி, உற்பத்தி செய்து விநியோகிப்பதை நோக்கமாகக் கொண்டுள்ளது.
சவூதி குடிமக்களின் வாழ்க்கைத் தரத்தை மேம்படுத்துவதிலும் கவனம் செலுத்துகிறது.
உள்நாட்டு உற்பத்தி, மூலப்பொருட்கள், அறிவு பரிமாற்றம் , அறிவுசார் சொத்து மேம்பாடு (IP) ஆகியவற்றை ஆதரிப்பதன் மூலம் PIF உள்ளூர் மயமாக்கலையும் நோக்கமாகக் கொண்டுள்ளது. நிறுவனத்தின் தயாரிப்புகள் சவூதி அரேபியாவில் உற்பத்தி செய்யப்படும்.புதிய பொருளாதார வாய்ப்புகளை வழங்குவதையும் வேலைகளை உருவாக்குவதையும் நோக்கமாகக் கொண்டுள்ளது.
படேலின் இந்த திட்டம் சவூதி அரேபியாவின் பரந்த முயற்சிகளின் ஒரு பகுதியாகும். PIF 77 நிறுவனங்களை 2017 ஆம் ஆண்டு முதல் நிறுவியுள்ளது, இதன் மூலம் அரை மில்லியனுக்கும் அதிகமான வேலைகளை உருவாக்கியுள்ளது.
