வாடிக்கையாளர்களின் பயணக் கோரிக்கையை ஏற்றப் பிறகு பயணத்தை ரத்து செய்யும் பட்சத்தில் ஸ்மார்ட் டாக்ஸி ஓட்டுநர்களுக்கு SR4000 அபராதம் விதிக்கப்படும்.
உள்துறை அமைச்சகத்தின் தேசிய தகவல் மையத்தின் கீழ், ஷோமோஸ் பாதுகாப்பு அமைப்புடன் இணைக்கப்பட்ட ஸ்மார்ட் டாக்சிகள், டாக்சி தரகர்கள் மற்றும் வழிகாட்டப்பட்ட வாகனங்களின் செயல்பாடுகளை நிர்வகிக்கும் விதிமுறைகளில் செய்யப்பட்ட திருத்தங்களில் இந்தத் தண்டனை நடவடிக்கையும் ஒன்றாகும். ஸ்மார்ட் டாக்ஸி ஓட்டுநர்கள் நகரங்களுக்கு இடையே அல்லது சவுதி அரேபியாவுக்கு வெளியே பயணம் செய்யும் போது புதிய திருத்தங்களுக்கு இணங்க வேண்டும்.
திருத்தங்களின்படி, ஸ்மார்ட் டாக்சி ஓட்டுநர்கள் போக்குவரத்து பொது ஆணையத்திடம் (TGA) அனுமதி பெற்ற பிறகு தங்கள் உரிமத்தை ஒரு நகரத்திலிருந்து மற்றொரு நகரத்திற்கு மாற்ற அனுமதிக்கப்படுகிறார்கள்.
உரிமம் பெற்றவர்களுடன் பதிவுசெய்யப்பட்ட கார்கள் புதியதாக இருக்க வேண்டும் மற்றும் நிபந்தனைகளில் இருந்து விலக்கு அளிக்கச் சவூதி அரேபியாவிற்குள் அல்லது வெளியே பதிவு செய்யக் கூடாது என்று திருத்தங்கள் கூறுகின்றன.
ஓட்டுநர்களுக்குத் தேவையான தரவை வழங்குவதில் தவறுகள் ஏற்பட்டால், அங்கீகரிக்கப்பட்ட தொழில்நுட்ப அமைப்பின் வழங்குநர்களுக்குச் சவூதி ரியால் 5000 அபராதம் விதிக்கப்படும் என்றும், மேலும் தொழில்நுட்ப அமைப்புகளுடன் தொடர்ந்து இணைக்கத் தவறினால் சவூதி ரியால் 5000 அபராதம் விதிக்கப்படும் என்றும் புதிய திருத்தங்கள் குறிப்பிடுகின்றன.
பயணத்திற்கான கோரிக்கையை ஏற்கும் முன் அல்லது நிராகரிக்கும் முன், பயணத்தில் குறிப்பிடப்பட்டுள்ள புறப்பாடு மற்றும் வருகை இடங்களை ஓட்டுநர் சரிபார்க்கத் தவறினால் சவூதி ரியால் 4000 அபராதம் விதிக்கப்படும்.
புதிய திருத்தங்கள் முதலீட்டாளர்கள், பயனாளிகள் மற்றும் ஸ்மார்ட் டாக்சி, டாக்சி தரகர் மற்றும் வழிகாட்டப்பட்ட வாகன நடவடிக்கைகளில் ஈடுபடும் தொழிலாளர்கள் எதிர்கொள்ளும் சவால்களை அடையாளம் கண்டு, இந்தச் சவால்களை எதிர்கொள்ள முன்மொழியப்பட்ட தீர்வுகளை உருவாக்குவதை நோக்கமாகக் கொண்டுள்ளன என்பது குறிப்பிடத்தக்கது.
