நீதி அமைச்சகம் (MOJ) நாஜிஸ் தளத்தின் மூலம் ஒருங்கிணைந்த மொழிபெயர்ப்பு மையத்திலிருந்து மொழிபெயர்ப்பாளர்களைக் கோருவதற்கு ஒரு புதிய மின்னணு சேவையைத் தொடங்கியுள்ளது.
அரபு மொழி பேசாத பயனாளிகளுக்கு நீதித்துறை உத்தரவாதங்களைப் பெறுவதற்கான செயல்முறையை இது எளிதாக்குகிறது. விசாரணையின் போது நீதித்துறை மற்றும் வழக்குரைஞர்களுடன் வாதிடுவதற்கும் தொடர்புகொள்வதற்கும் பயனாளிகள் தங்கள் தாய்மொழியில் மொழிபெயர்ப்பாளரைக் கோருவதற்கு இச்சேவை உதவுகிறது என்று அமைச்சகம் தெரிவித்துள்ளது.
சேவையிலிருந்து பயனடைய விரும்புவோர் நாஜிஸ் தளத்தில் (Najiz.sa) உள்நுழைய வேண்டும், வழக்கு கோப்பைத் தேர்ந்தெடுத்து, படிவத்தை நிரப்பிய பின், மொழியைத் தேர்ந்தெடுத்து, தேவையான தரவை நிரப்ப வேண்டும். கோரிக்கையைச் சமர்ப்பிப்பதே கடைசிப் படியாகும். ஒருங்கிணைந்த மொழிபெயர்ப்பு மையம், மின்னணு வழக்குகள் மூலம் தொழில்நுட்பத்தைப் பயன்படுத்தி அதன் சேவைகளை வழங்குகிறது.
இந்த மையம் ஆடியோ மற்றும் வீடியோவுடன் ஒருங்கிணைந்த ரிமோட் சேவைகளை வழங்குகிறது. மேலும்இது நேரத்தை மிச்சப்படுத்தவும், நீதித்துறை நடவடிக்கைகளை விரைவுபடுத்தவும் பெரிதும் உதவுகிறது. 20க்கும் மேற்பட்ட மொழிகளைப் பேசும் மொழிபெயர்ப்பாளர்கள் மூலம் அரபு மொழி பேசாதவர்களின் வழக்குகளைப் பின்தொடரவும் இது உதவுகிறது என்று அமைச்சகம் குறிப்பிட்டுள்ளது.
