குவைத் பட்டத்து இளவரசர் ஷேக் மிஷால் அல்-அஹ்மத் அல்-ஜாபர் அல்-சபா ஜித்தாவில் நடைபெற்ற ஜி.சி.சி-மத்திய ஆசிய உச்சி மாநாட்டைப் பாராட்டி, இரு தரப்புக்கும் இடையிலான உறவை வலுப்படுத்துவதில் அதன் குறிப்பிடத் தக்க பங்களிப்பை வலியுறுத்தினார்.
உச்சிமாநாட்டின் உரையின்போது, ஷேக் மிஷால் அல்-சபா, குவைத் எமிர் ஷேக் நவாஃப் அல்-அஹ்மத் அல்-ஜாபர் அல்-சபாவின் வாழ்த்துக்களைச் சவுதி தலைமைக்குத் தெரிவித்து, பல்வேறு களங்களில் சகோதர உறவுகளை வலுப்படுத்துவதற்கான பரஸ்பர ஆர்வத்தை உச்சிமாநாடு எடுத்துக்காட்டுகிறது என்றும் அவர் தெரிவித்தார்.
செப்டம்பர் 7-ம் தேதி GCC மற்றும் மத்திய ஆசிய நாடுகளுக்கு இடையேயான உரையாடலின் கூட்டு அமைச்சர்கள் கூட்டத்தின் முடிவுகள் மற்றும் கூட்டு செயல்திட்டத்தை ஏற்றுக்கொண்டதன் அடிப்படையில், இரு தரப்புக்கும் இடையிலான கூட்டாண்மையை உச்சிமாநாடு மேம்படுத்தும் என்று அவர் நம்பிக்கை தெரிவித்தார்.
அரசியல், பாதுகாப்பு, பொருளாதாரம், கலாச்சாரம், அறிவியல் மற்றும் வணிகத் துறைகளில் அதிக ஒத்துழைப்பை வளர்ப்பதற்கும், அனைத்து துறைகளிலும் ஒத்துழைப்பைத் தக்கவைக்க, கூட்டாளர்களுடன் தொடர்ச்சியான ஆலோசனைகளின் முக்கியத்துவத்தை வலியுறுத்தினார்.
குவைத் பட்டத்து இளவரசர், மத்திய ஆசிய நாடுகளின் சர்வதேச பிரச்சினைகளில் உறுதியான நிலைப்பாடு, பகுதி பாதுகாப்பு மற்றும் நிலைத்தன்மை அடித்தளங்களை நிறுவுவதில் மத்திய ஆசிய நாடுகளுக்கும் GCC நாடுகளுக்கும் இடையே நடந்து வரும் ஒத்துழைப்பு மற்றும் ஒருங்கிணைப்பிற்கு அவர் தனது பாராட்தூகளை தெரிவித்தார்.
கூடுதலாக, ஷேக் மிஷால் அல்-சபாஹ், மத்திய ஆசிய நாடுகளின் இஸ்லாமிய, அரபு மற்றும் சர்வதேச விஷயங்களில் அணுகுமுறைகளைப் பாராட்டி GCC நாடுகளின் பாதுகாப்பு மற்றும் சுதந்திரத்தை உயர்த்துவதற்கான அவர்களின் உறுதிப்பாட்டில் நம்பிக்கை தெரிவித்தார்.
