புள்ளிவிவரங்களுக்கான பொது ஆணையம் (GASTAT) சமீபத்தில் வெளியிட்ட 2024 முதல் காலாண்டிற்கான சர்வதேச வர்த்தக அறிக்கையின்படி, மொத்த ஏற்றுமதியில் 15 சதவீத விகிதத்துடன், சவுதி ஏற்றுமதிக்கான முதல் இடமாகச் சீனா முக்கிய இடத்தைப் பிடித்துள்ளது.
கடந்த ஐந்து ஆண்டுகளில் சீனாவுக்கான சவூதியின் எண்ணெய் அல்லாத ஏற்றுமதி 176 பில்லியன் ரியால்களைத் தாண்டியுள்ளது, இதில் இரசாயனங்கள், பாலிமர்கள் மற்றும் உலோகங்கள் முதலிடத்தில் உள்ளன. சரக்கு மற்றும் மறுஏற்றுமதி ஆகியவற்றுடன் போக்குவரத்து மற்றும் தளவாடங்கள் துறையும் முக்கிய பங்களிப்பாக உள்ளது.
2023 ஆம் ஆண்டில், சீனாவுக்கான சேவைகள் ஏற்றுமதிகள் 40% அதிகரித்து 182 பில்லியன் ரியால் மதிப்புடன் இருந்தது, சேவைகள் ஏற்றுமதியின் அதிகரிப்பு பயணத் துறையில் 43% எழுச்சியால் உந்தப்பட்டது, இது மொத்த சேவைகளில் 74% ஆகும்.போக்குவரத்துத் துறை ஏற்றுமதி 24.2 பில்லியன் ரியாலாவும், தகவல் தொடர்பு சேவைகளின் ஏற்றுமதி 6.3 பில்லியன் ரியால் மதிப்பில் உள்ளது.
சீனாவுடனான உறவுகளை வலுப்படுத்துவதன் தொடர்ச்சியாக, சீனாவுக்கான ஏற்றுமதியை சவுதி அரேபியா அதிகரித்து வருகிறது. 2016 ஆம் ஆண்டில், கிங் சல்மான் மற்றும் ஜனாதிபதி ஜி ஜின்பிங் இருவரும், இரு நாட்டு அரசாங்கங்களுக்கிடையில் பல புரிந்துணர்வு ஒப்பந்தங்களில் கையெழுத்திட்டனர்.
