சவூதி பல்கலைக்கழகங்களில் 160க்கும் மேற்பட்ட நாடுகளில் இருந்து 140,000க்கும் மேற்பட்ட ஆண் மற்றும் பெண் மாணவர்கள் பட்டம் பெற்றுள்ளனர் என்று சவூதி கல்வி அமைச்சக அதிகாரி ஒருவர் தெரிவித்தார்.
சவூதி அரேபியாவில் தற்போது உலகின் பல்வேறு பகுதிகளைச் சேர்ந்த 74,000க்கும் மேற்பட்ட ஆண் மற்றும் பெண் மாணவர்கள் தங்கள் படிப்பைத் தொடர்கின்றனர் என்று சவூதி அல்லாத மாணவர்களுக்கான துறையின் பொருப்பாளர் டாக்டர் சமி அல்-ஹைசூனி கூறினார்.
திங்கள்கிழமை ரியாத்தில் நடைபெற்ற “சவூதி அரேபியாவில் உயர்கல்வி” என்ற தலைப்பில் நடைபெற்ற அறிமுக அரங்கில் அல்-ஹைசூனி உரையாற்றினார். சவூதியின் கல்வி அமைச்சர் யூசுப் அல்-பென்யான் அமைப்பின் செயல்பாடுகளையும் கண்காட்சியையும் தொடங்கி வைத்தார். சவூதி பல்கலைக்கழகங்களில் படிக்க உலகெங்கிலும் உள்ள மாணவர்களை ஈர்ப்பதை இந்த மன்றம் நோக்கமாகக் கொண்டுள்ளது.
அரபு மொழியை உலகளாவிய மொழியாகக் கற்பதன் முக்கியத்துவத்தை அமைச்சர் எடுத்துரைத்தார். சவூதி பல்கலைக்கழகங்களில் கல்வி அனுபவத்தை மேம்படுத்தவும், கலாச்சார புரிதல் மற்றும் சர்வதேச ஒத்துழைப்பை அடையவும் சர்வதேச மாணவர்கள், ஆராய்ச்சியாளர்கள் மற்றும் பயிற்சியாளர்களுக்கு அல்-பன்யன் அழைப்பு விடுத்தார்.
