2023 ஹஜ் பருவத்தில் பயணிகளுக்கு இலவச சுகாதார சேவைகளை வழங்குவதற்காக மக்காவில் உள்ள பெரிய பள்ளிவாசலைச் சுற்றியுள்ள மத்திய பகுதியில் தொடர்ந்து இரண்டாவது ஆண்டாக நடமாடும் பல் மருத்துவமணையை சுகாதார அமைச்சகம் திறந்து வைத்துள்ளது.
அசென் மருத்துவ நிறுவனத்தால் பிரதிநிதித்துவப்படுத்தப்படும் தனியார் துறையுடன் சமூகக் கூட்டுறவில் நடமாடும் கிளினிக்குகள் திட்டம் செயல்படுத்தப்படட்டு, மக்கா ஹெல்த்கேர் கிளஸ்டர் அல்-ஹராம் அவசர மருத்துவமனையின் நுழைவாயிலை எதிர்கொள்ளும் பகுதியில் சுகாதார அமைச்சகத்தின் சார்பாகக் கிளினிக்கைத் திறந்து வைத்தார்.
இந்த நடமாடும் கிளினிக், 32 மருத்துவ மற்றும் செயல்பாட்டு நிபுணர்கள்மூலம் பல் சுகாதார சேவைகளை ஹஜ் பருவம் முழுவதும் 24 மணிநேரமும் வழங்குகிறது.
சுகாதாரத் தரத்தை மேம்படுத்துதல், சுகாதார சேவைகளுக்கான அணுகலை எளிதாக்குதல் மற்றும் பெரிய மசூதியின் பார்வையாளர்களுக்கு இந்தச் சேவைகளை வழங்குவதன் செயல்திறனை அதிகரிப்பது தொடர்பான சுகாதார அமைச்சின் நோக்கங்களுக்கு ஏற்ப இந்த நடவடிக்கை எடுக்கப்பட்டுள்ளது.
இந்த நடமாடும் கிளினிக்குகள் இந்த ஆண்டு ஹஜ் பருவத்தில் பயணிகளிடையே நோயாளிகளுக்குச் சுகாதார சேவைகளை வழங்குவதற்காகச் செயல்படுத்தப்படும் பல தரமான முயற்சிகளின் ஒரு பகுதியாகும்.
தனியார் துறையுடனான ஒத்துழைப்பு மற்றும் ஒருங்கிணைப்பு மற்றும் சுகாதார சேவைகளை வழங்குவதற்கும் நோயாளிகளின் தேவைகளைப் பூர்த்தி செய்வதற்கும் திறன்கள் மற்றும் நிபுணத்துவத்தை உகந்த முறையில் பயன்படுத்துவதற்கான ஆர்வத்தின் கட்டமைப்பிற்குள் இந்தக் கிளினிக்குகள் அமைக்கபட்டுள்ளது.
