சவூதி அரேபியா அதன் விஷன் 2030 பயணத்தில் பாதியை எட்டியுள்ளது என்றும், எண்ணெய் அல்லாத நடவடிக்கைகளில் வலுவான வளர்ச்சியுடன், உண்மையான மொத்த உள்நாட்டு உற்பத்தியில் 51% உள்ளது என்றும் சீனாவின் டேலியன் நகரில் இடம்பெற்ற கலந்துரையாடல் அமர்வில் பங்கேற்ற சவூதி அரேபியாவின் பொருளாதாரம் மற்றும் திட்டமிடல் அமைச்சர் பைசல் அல்-இப்ராஹிம் தெரிவித்துள்ளார்.
அல்-இப்ராஹிம் தனது உரையில், சவூதி விஷன் 2030 தொடங்கப்பட்டதில் இருந்து நாட்டில் எண்ணெய் அல்லாத நடவடிக்கைகள் 2022 ஆம் ஆண்டிற்கான பொருளாதார வளர்ச்சி விகிதத்தை 8.7% அடைந்துள்ளது. எண்ணெய் அல்லாத செயல்பாடுகள் உண்மையான மொத்த உள்நாட்டு உற்பத்தியில் (GDP) 51 சதவீதத்தைக் கொண்டிருப்பதால், எண்ணெய் அல்லாத செயல்பாடுகளின் வளர்ச்சி வலுவாக உள்ளது என்று கூறினார்.
சவூதி அரேபியா அதன் விஷன் 2030 இலக்குகளைச் செயல்படுத்துவதில் குறிப்பிடத் தக்க முன்னேற்றத்தை அடைந்துள்ளது, பொருளாதார பல்வகைப்படுத்தல் மற்றும் மனித மூலதன மேம்பாட்டில் கவனம் செலுத்துகிறது.
எரிசக்தி பாதுகாப்பு மற்றும் காலநிலை நடவடிக்கைகளில் சவுதி அரேபியாவின் குறிப்பிடத் தக்க பங்கை அல்-இப்ராஹிம் எடுத்துரைத்தார், பசுமை ஹைட்ரஜன் மற்றும் சோலார் போன்ற புதுப்பிக்கத் தக்க எரிசக்தி ஆதாரங்களில் முன்னோடியாகச் சவூதி அரேபியா திகழ்கிறது.
உலகளாவிய பொருளாதார சவால்களுக்கு விரிவான, ஒருங்கிணைந்த அணுகுமுறையின் முக்கியத்துவத்தை அமைச்சர் வலியுறுத்தினார்.
