சவூதி அரேபியாவில் ஞாயிற்றுக்கிழமை முதல் இந்த வார இறுதி வரை வெப்பநிலை 46 முதல் 50 டிகிரி செல்சியஸ் வரை உயரக்கூடும் என்று தேசிய வானிலை ஆய்வு மையம் (NCM) கணித்துள்ளது.
கிழக்கு மாகாணத்தில் 48 முதல் 50 டிகிரி செல்சியஸ் வரையிலும், ரியாத்தின் கிழக்கு மற்றும் தெற்கு பகுதிகளில் 46-48 டிகிரி செல்சியஸ் வரை வெப்பநிலை பதிவாகும் எனத் தேசிய வானிலை ஆய்வு மையம் அறிவித்துள்ளது.
கடந்த சனிக்கிழமை அன்று சவூதி அரேபியாவின் பல்வேறு பகுதிகளில் அதிகபட்ச வெப்பநிலையாக 45-49 டிகிரி செல்சியஸ் பதிவாகியுள்ளதாக வானிலை மையம் தெரிவித்துள்ளது.
இதனைத் தொடர்ந்து அல்-அஹ்சாவில் 49 டிகிரி செல்சியஸ், தம்மாமில் 48 டிகிரி செல்சியஸ், வாதி அல்-தவாசிர் மற்றும் ஷரோராவில் 46 டிகிரி செல்சியஸ், ஜித்தா மற்றும் கைசுமாவில் 45 டிகிரி செல்சியஸ் வெப்பநிலை பதிவாகியுள்ளது.
கிழக்கு மாகாணம் மற்றும் மத்திய பிராந்தியத்தின் சில பகுதிகளில் வானிலை மிகவும் வெப்பமாகவும், மக்காவின் சில பகுதிகளில் தூசி புயலுடன் வெப்பநிலை அதிகமாக இருக்கும் என்று NCM தெரிவித்துள்ளது.
