சவூதி உணவு மற்றும் மருந்து ஆணையம் (SFDA) தம்மாம் நகரில் அதிகாரிகளின் ஆய்வுச் சுற்றுப்பயணத்தின்போது சட்டவிரோதமான முறையில் கால்நடை மருந்து தயாரிப்பில் ஈடுபட்ட வர்த்தக நிறுவனமொன்றின் பிரதிநிதியாகப் பணியாற்றும் வெளிநாட்டவர் வெப்பநிலை அளவீடுகளின்றி குளிரூட்டப்படாத வாகனத்தில் கால்நடை தயாரிப்புகளைக் கொண்டு செல்லும்போது கிழக்கு மாகாணத்தில் கைது செய்யப்பட்டு பொது வழக்கு விசாரணைக்கு அனுப்பியதாகச் சவுதி செய்தி நிறுவனம் தெரிவித்துள்ளது.
பிரதிநிதியிடம் பதிவு செய்யப்படாத கால்நடை மருத்துவ தயாரிப்புகள், ஒட்டுண்ணிகளுக்குச் சிகிச்சையளிப்பதற்கான ஸ்பிரே, விலங்குகளின் கண் நோய் சிகிச்சைக்கான ஸ்பிரே போன்ற கால்நடை தயாரிப்புகளைத் தயாரிக்கும் மூலப்பொருட்களும், வழக்கமான உரிமங்களைப் பெறாமல் அவற்றை நிரப்புவதற்காக வெற்று கொள்கலன்களை வாங்குவதும் கண்டுபிடிக்கப்பட்டது.
சட்டப்பூர்வ உரிமங்களைப் பெறாமல், கால்நடைத் தயாரிப்புகளை வைத்திருப்பது, தயாரித்தல், மற்றும் சந்தைப்படுத்துதல் ஆகியவை கால்நடை தயாரிப்புகள் சட்டத்தின் விதிகள் மற்றும் அதன் நிர்வாக விதிமுறைகளை மீறுவதாகும் என்று SFDA உறுதிப்படுத்தியுள்ளது.
கால்நடை தயாரிப்பு, விற்பனை மற்றும் உற்பத்தி ஆகியவற்றில் மோசடி செய்பவர்கள் யாராக இருந்தாலும் அது மீறலாகக் கருதி ஐந்து ஆண்டுகள்வரை சிறைத்தண்டனை அல்லது 5 மில்லியன் சவூதி ரியாலுக்கு மிகாமல் அபராதம் அல்லது இரண்டும் விதிக்கப்படும் என்று அறிவித்துள்ளது.
மேலும் TAMENI விண்ணப்பம் அல்லது ஒருங்கிணைக்கப்பட்ட எண் (19999) மூலம் மீறல்கள்குறித்து புகார் தெரிவிக்குமாறு ஆணையம் வலியுறுத்தியுள்ளது.
