புதிதாகக் குவைத்துக்கு வரும் இந்தியர்களுக்கான ஆலோசனை வேலைவாய்ப்பு/ பணி விசாவில் வரும் இந்தியப் பிரஜைகள், குவைத்திற்கு வந்த 60 நாட்களுக்குள் அவர்களது முதலாளி/ ஸ்பான்சர் மூலம் வதிவிட அனுமதி முத்திரையைப் பெற வேண்டும் எனக் குவைத் இந்திய தூதரகம் அறிவித்துள்ளது. (இல்லையெனில், குவைத் அரசு அதிகாரிகளால் ஒரு நாளைக்கு KWD 2/- அபராதக் கட்டணம் வசூலிக்கப்படும்.) > நீங்கள் குவைத்திற்கு வந்த 60 நாட்களுக்குள் சிவில் ஐடிக்கு விண்ணப்பிக்க வேண்டும் மற்றும் பரிந்துரைக்கப்பட்ட கட்டணம் செலுத்தப்பட வேண்டும். (இல்லையெனில், குவைத் அரசு அதிகாரிகளால் KWD 20/- அபராதம் விதிக்கப்படும்.)
சுற்றுலா விசாவில் வரும் இந்திய குடிமக்கள் விசா காலம் முடிவடைவதற்குள் குவைத்திலிருந்து வெளியேற வேண்டும். (அதிகப்படியாகத் தங்கியிருந்தால், குவைத் அரசு அதிகாரிகளால் ஒரு நாளைக்கு KWD 2/- அபராதம் விதிக்கப்படும். மேலும் அவர்கள் நாடு கடத்தல் மற்றும் மறு நுழைவுத் தடையையும் சந்திக்க நேரிடும்.)
குடும்ப விசாவில் வரும் இந்திய குடிமக்கள் விசா காலம் முடிவடைவதற்குள் குவைத்திலிருந்து வெளியேற வேண்டும். (அதிகப்படியாகத் தங்கியிருந்தால், குவைத் அரசு அதிகாரிகளால் ஒரு நாளைக்கு KWD 10/- அபராதம் விதிக்கப்படும். அவர்கள் நாடு கடத்தல் மற்றும் மறு நுழைவுத் தடையையும் சந்திக்க நேரிடும்.)
