டிஜிட்டல் அரசு ஆணையம் (DGA) குடிமக்களின் தற்போதைய , கடந்த கால செலவுகள் மற்றும் கொள்முதல் தொடர்பான தரவுகளை அணுகுவதற்கு அமைச்சகங்கள் மற்றும் பிற அரசு நிறுவனங்கள் தேவையான தரவுகளை வழங்க வேண்டும் என்று அறிவுறுத்தியுள்ளது.
மேலும் அரசாங்க நிறுவனங்கள் டிஜிட்டல் சேனல்கள் மூலம் குடிமக்களுக்குத் தரவை வழங்க வேண்டும். அவர்கள் எதிர்கால மற்றும் தற்போதைய அரசாங்க கொள்முதல் தொடர்பான தகவல்களை வழங்குவதோடு வாங்குதல் முடிவுகள் தொடர்பான தகவல்கள் உட்பட, ஒப்பந்தங்கள் தொடர்பான முழு விவரங்களையும் எடிமாட் என்ற அரசாங்க அதிகாரப் பூர்வ தளத்தின் மூலம் வழங்க வேண்டும்.
மேலும் நிதி அமைச்சகம் Etimad தளத்தை நிதி டிஜிட்டல் சேவை தளமாக அறிமுகப்படுத்தியுள்ளது. அரசாங்க டெண்டர்கள் மற்றும் தனியார் துறைக்குக் கொள்முதல் செய்வதற்கான அணுகுதலை Etimad வழங்குகிறது. இது அனைத்து அரசு டெண்டர்களுக்கும் பொதுவாகச் செயல்படுகிறது. அதே சமயம் தனியார் துறை அரசு டெண்டர் ஒப்பந்தங்கள் மற்றும் திட்ட விவரங்களை எளிதாக மதிப்பாய்வு செய்யவும் உதவுகிறது.மேலும் அரசாங்க நிறுவனங்களைப் பயனாளிகளுடன் திறம்பட கையாள்வதற்கும் டிஜிட்டல் அரசாங்க சேவைகளின் பயன்பாட்டை அதிகரிப்பதற்கும் இந்த ETIMAD தளம் நோக்கமாக உள்ளது.
பொதுக் கொள்கைகள் மற்றும் டிஜிட்டல் சேவைகளை மேம்படுத்துவதற்கும், அரசு நிறுவனங்கள் தங்கள் வாடிக்கையாளர்களின் கருத்துக்களுக்குப் பதிலளிப்பதை உறுதி செய்வதற்கும், பொதுக் கொள்கைகளின் கூட்டுக் கட்டுமானத்தில் அரசு நிறுவனங்களின் வெளிப்படைத்தன்மையை மேம்படுத்துவதற்கும் மின்னனு-பங்கேற்பு (e-Participations) வழிமுறைகளைச் செயல்படுத்துவதற்கும் இந்தத் திட்டங்கள் ஊக்குவிக்கின்றன.
விஷன் 2030ன் நோக்கங்களை அடைவதற்கு அத்தியாவசியமான முன் நிபந்தனையாக அரசாங்கம் மற்றும் குடிமக்கள், வணிகத் துறை மற்றும் பிற அனைத்து தரப்பினருக்கும் இடையே ஊடாடும் தொடர்பு மற்றும் ஆக்கப்பூர்வமான உரையாடல் ஆகியவற்றின் முக்கியத்துவத்தையும் சவுதி அரசாங்கம் அடிக்கோடிட்டுக் காட்டுகிறது என்பது குறிப்பிடத்தக்கது.
