சவூதி அரேபியாவில் நுகர்வோர் விலைக் குறியீடு அல்லது பணவீக்கம் டிசம்பர் 2022 உடன் ஒப்பிடுகையில் 2023 டிசம்பர் மாதத்தில் 1.5 சதவீதமும், முந்தைய நவம்பர் மாதத்துடன் ஒப்பிடுகையில் டிசம்பரில் 0.2 சதவீதம் குறைந்து 1.7 சதவீதமாகவும் உள்ளது.
புள்ளிவிவரங்களுக்கான பொது ஆணையம் (GASTAT) வெளியிட்டுள்ள அறிக்கைப்படி, உணவு மற்றும் பானங்களின் விலைகள் 0.3 சதவீதம், போக்குவரத்து 0.4 சதவீதம், வீட்டுத் தளபாடங்கள் மற்றும் உபகரணங்கள் 0.4 சதவீதம், ஆடை மற்றும் காலணிகள் 0.3 சதவீதம், தகவல் தொடர்பு 0.1 சதவீதம், பொழுதுபோக்கு மற்றும் கலாச்சாரம் 0.1 சதவீதம்,0.2 சதவீதம் சுகாதாரப் பிரிவில் குறைந்துள்ளது.
மாதாந்திர பணவீக்கக் குறியீடு வீடுகள், நீர், மின்சாரம், எரிவாயு மற்றும் பிற வகை எரிபொருள்கள் 0.7 சதவிகிதம், வீட்டு வாடகை விலைகள் 0.8 சதவிகிதம், உணவகங்கள் மற்றும் ஹோட்டல்கள் இரண்டின் விலைகளும் 0.4 சதவிகிதம், இதர தனிப்பட்ட பொருட்கள் மற்றும் சேவைகள் பிரிவு 0.4 சதவிகிதம் அதிகரித்தது.
2022 டிசம்பர் மாதத்துடன் ஒப்பிடும் போது, 2023 டிசம்பர் மாதத்தில் சவூதியில் உண்மையான வீட்டு வாடகைகள் 9.0 சதவீதம், அபார்ட்மெண்ட் வாடகை விலைகள் 12.1 ஆகவும், உணவு மற்றும் பானங்களின் விலையும் 1.2 சதவீதம், பால் பொருட்கள் மற்றும் முட்டை விலைகள் 4.1 சதவீதம் அதிகரித்துள்ளது.
ஆடைகள் மற்றும் காலணிகளின் விலைகள் 4.2 வீதத்தினால் குறைந்துள்ளதாகவும் ஆயத்த ஆடைகளின் விலை 6.6 சதவீதமும், போக்குவரத்து விலை 1.3 சதவீதமும் குறைந்ததால், வாகன கொள்முதல் விலை 2.5 சதவீதம் குறைந்துள்ளது என்றும் அதிகாரசபை தெரிவித்துள்ளது.
